Тошкент, Ўзбекистон (UzDaily.uz) — My Freighter компанияси саккизинчи Boeing 767-300 юк самолётини қабул қилиб олди. Самолёт 2025 йил 3 май куни Чехиянинг Острава шаҳридан Тошкент халқаро аэропортига етиб келди, деб хабар берди авиакомпания матбуот хизмати.

Planespotters.net портали маълумотларига кўра, мазкур самолёт АҚШнинг Эверетт шаҳрида 1993 йил охирида ишлаб чиқарилган. У 2024 йил февралгача Германиянинг Condor авиакомпанияси томонидан фойдаланилган.

Лайнернинг сўнгги эгаси сифатида АҚШда жойлашган Cargo Aircraft Management (CAM) компанияси кўрсатилган. My Freighter ушбу самолётни эҳтимолан ижара асосида қабул қилган. 2024 йил август охиридан 2025 йил мартгача самолёт йўловчи ташиш учун мўлжалланган Boeing 767-300 версиясидан юк ташишга мослаштирилган 767-300 (F) версиясига қайта жиҳозланган.

My Freighter компанияси таъкидлашича, янги кенг фюзеляжли юк самолёти бўлган Boeing 767-300 авиакомпаниянинг жаҳон бўйлаб юк етказиб беришдаги манёвралиги ва оперативлигини сезиларли даражада оширади.

Ҳозирда My Freighter авиапаркида саккизта самолёт мавжуд бўлиб, улардан еттитаси Boeing 767-300, бири эса Boeing 757-200 моделидир. Компаниyа самолётларининг ўртача ёши тахминан 30 йилни ташкил этади.