Ихтисослаштирилган мактаб 2017 йилда фаолиятини бошлагандан бери қабул имтиҳонларини очиқ ва шаффоф ўтказишга катта урғу бериб келмоқда.
“Ўзкўргазмасавдо” биносида бўлиб ўтадиган 2018-2019 ўқув йили учун 5-синфга қабул имтиҳонлари live.inha.uz саҳифаси ва мактабнинг расмий Facebook саҳифаси https://www.facebook.com/AlKhorezmiySchool/ орқали онлайн намойиш этилади.
Саҳифа TAS-IX ҳудудида жойлашган бўлиб, у видео оқимини юклаб олишнинг юқори тезлигини таъминлайди. Интернет-провайдерларнинг кўпчилиги TAS-IX га пул олмасликларини инобатга олсак, фойдаланувчилар пулларини тежашади.
Шу билан бирга мактаб маъмурияти имтиҳонларнинг шаффофлигини таъминлаш учун бир гуруҳ ота-оналар кузатувчи сифатида имтиҳон залига таклиф этади.