Марказий Осиё ММА Конфедерацияси аралаш жанг санъати бўйича Нукус шаҳридаги «Манеж» спорт-мажмуаси аренасида ўтказилган биринчи Марказий Осиё чемпионати натижаларини эълон қилади. Мусобақада Озарбайжон, Қозоғистон, Тожикистон ва Ўзбекистондан 54 нафар жангчи қатнашишди.

 Воқеани шарҳлар экан, Марказий Осиё ММА Конфедерацияси раҳбари Отабек Умаров шундай деди: «Афсуски, Қорақалпоғистонда ҳали ҳам халқаро турнирларни ўтказиш кўп амалга оширилмаган. Бу ҳолатни тузатиш керак. САММАС 2021 - бу йўналишдаги илк қадам, лекин у ёрқин ва ишонувчан бўлиб чиқди. Халқаро ММА федерацияси президенти Керрит Брауннинг чемпионатга келиши биз учун ҳам, мухлислар учун ҳам кўп нарсани англатади - бу мусобақанинг мавқеи ва обрўсини кўтарди, мураббий ва жангчиларни руҳлантирди. Мен ўзбекистонлик спортчиларни жамоавий мусобақада биринчи ўрин билан самимий табриклайман, лекин шуни таъкидлашни истардимки, барча мамлакатлар тайёргарликдаги кучли ютуқларни намойиш қилмоқдалар, бу жангларнинг таассуротли бўлишига бевосита таъсир кўрсатди».

 Шоҳсупанинг энг юқори поғонасини қуйидаги жангчилар эгаллашди: Эрсултон Шакенбоев (52,2 кг гача, Қозоғистон), Жамшид Тиллаев (56 кг гача, Ўзбекистон), Эркебулан Бегасилу (61 кг гача, Қозоғистон), Шукуржон Рустамов (65,8 кг гача, Ўзбекистон), Неъмат Асадов (70,3 кг гача, Қозоғистон), Мунис Мўминжонов (77 кг гача, Ўзбекистон), Зокиржон Мамарасулов (83,9 кг гача, Ўзбекистон), Хусан Раҳимов (93 кг гача, Ўзбекистон), Ҳасан Раҳимов ( 120,2 кг гача, Ўзбекистон), Ихтиёр Холмуродов (120,2+ кг, Ўзбекистон).

 Ҳаммаси бўлиб 10 вазн тоифасида 40 киши аралаш жанг санъати бўйича Марказий Осиё чемпионати унвонларига сазовор бўлишди. Турнирга Россиядан IMMAFнинг икки ҳаками бошчилигидаги 15 ҳакамдан иборат ҳакамлар ҳайъати хизмат кўрсатишди.