Тошкент, Ўзбекистон (UzDaily.uz) — Ўзбекистонда Zamin Education лойиҳаси доирасида ташкил этилган Республика инклюзив IT-лагери якунланди. Zamin жамғармаси матбуот хизматининг хабар беришича, бутун мамлакат бўйлаб 4000 дан ортиқ ўқувчи замонавий технологиялар оламига шўнғиш имкониятига эга бўлди.

Беш кунлик оффлайн машғулотлар давомида қатнашчилар веб-сайтлар яратиш, 3D-моделлаш, робототехника, рақамли санъат ва киберспорт бўйича талаб қилинадиган кўникмаларни ўзлаштиришди. Шу билан бирга, тахминан 4000 мактаб ўқувчиси онлайн дарсларга қўшилиб, SMM, сунъий интеллект асослари ва DotNet, Mobile Flutter, Python, React, DevOps каби машҳур дастурлаш тилларини ўрганишди.

Zamin Education лойиҳаси ташкилотчилари инклюзив ёндашувнинг аҳамиятини таъкидлади. Ушбу ёндашув барча болаларнинг имкониятларидан қатъи назар таълимга тенг имконият яратишга қаратилган. "Бизнинг лагер – бу фақат техник кўникмаларни ўргатиш эмас, – дейди лойиҳа вакиллари. – Бу илм-фан ва технологияларга қизиқиш уйғотиш, ўқувчиларга ўз касбий йўналишларини белгилашда ёрдам бериш имкониятидир".

Ташкилотчиларнинг қайд этишича, янги билимларни ўзлаштиришдан ташқари, лагерда иштирок этиш орқали ўқувчилар жамоавий ишлаш ва қўшма лойиҳалар устида ишлаш натижасида мулоқот кўникмаларини ҳам ривожлантиришди. Инклюзив IT-лагер доирасида олинган тажриба ёш авлод учун ахборот технологиялари соҳасидаги муваффақиятли карьерага йўл очиб берувчи муҳим қадам бўлиши мумкин.

Zamin Education лойиҳаси келажакда шундай тадбирларни давом эттиришни режалаштирмоқда.