Кеча пойтахтнинг “Бунёдкор” ва Наманганнинг “Навбаҳор” жамоалари 1:1 ҳисобида дуранг ўйнади, бу эса “темирйўлчилар”га муддатдан аввал чемпионликни расмийлаштириш имконини берди.

Мавсум тугашига 2 тур қолганда “Локомотив” 68 очко билан биринчи ўринни банд этиб турибди. Иккинчи ўринда бораётган “Бунёдкор” ҳисобида 63 очко бўлиб, орадаги фарқ 5 очкони ташкил этади. Аммо “Бунёдкор” 29-тур учрашувини ўтказиб бўлди ва энди рақибига ета олмайди.

Эслатиб ўтамиз, “Локомотив” ўз тарихида биринчи марта футбол бўйича Ўзбекистон чемпионатининг олтин медалларини қўлга киритди.