Курашчи қизларимиз Осиё чемпионатида 3 та бронза медалига эга чиқишди

Ташкент, Узбекистан (UzDaily.uz) – Айни кунларжа Хитойнинг Циан шаҳрида спорт курашлари бўйича Осиё чемпионати бўлиб ўтаётганидан хабарингиз бор. Бугун аёллар кураши бўйича иштирок этаётган вакилаларимиз ҳам муваффақиятли қатнашдилар.

Ушбу кун доирасида гиламга чиққан 3 нафар курашчи қизимиз бронза медалига сазовор бўлишди. Ҳамюртларимизнинг натижаси билан танишинг:

Бронза медали учун беллашувлар:

-53 кг: Актенге Кеунимжаева – Хюнгжу Ким (Ж.Корея) 9:3

-62 кг: Набира Эсенбаева – Салине Срисомбат (Таиланд) 12:0

-72 кг: Нилуфар Гадоева – Чиа-ХСин Ли (Хитой Таипейи) 10:0

Эртага юнон-рим кураши бўйича беллашувлар старт олади. 2 кун давом этадиган ушбу дастурда жами 10 нафар полвонимиз медаллар учун гиламга чиқишади.

Манба: Ўзбекистон миллий олимпия қўмитаси.