Тошкент, Ўзбекистон (UzDaily.uz) — 2025-йил 14-январь куни Тоғ-кон саноати ва геология вазири ўринбосари А.Кадирходжаев Италиянинг Ўзбекистондаги элчиси Пиергабриеле Пападиа де Боттини билан учрашув ўтказди.

Учрашувда Пиза университетининг Тошкентдаги филиали фаолиятини янада ривожлантириш, икки томонлама ҳамкорлик алоқаларини мустаҳкамлаш, қўшма илмий лойиҳаларни йўлга қўйиш масалалари муҳокама қилинди.

Элчи Ўзбекистоннинг фойдали қазилмалар йўналишида катта истиқболга эга мамлакат эканлиги, Пиза университети Тошкент филиалининг ютуқлари диққатга сазовор эканлиги, олийгоҳда янги йўналишларни очиш имкониятларини ўрганиш зарурлигини қайд этди.