Ташкент, Узбекистан (UzDaily.uz) - Бухоро вилояти божхона бошқармасининг «Ғиждувон» ТИФ божхона пости ходимлари томонидан яна бир божхона қоидабузарлиги ўз вақтида тўхтатиб қолинди.

Унда чет давлатидан вилоятда фаолият кўрсатувчи МЧЖ номига келган умумий қиймати 5055 АҚШ долларига тенг бўлган автомобиль эҳтиёт қисмлари белгиланган тартибда  божхона кўригидан ўтказилди. Қарангки, контейнерларда ҳужжатларда кўрсатилмаган, умумий қиймати 9,1 миллион сўмлик шиналар борлиги аниқланди.

Ҳозирда ашёвий далил сифатида олинган ушбу товарлар вақтинча сақловга олиниб, текширув ҳаракатлари олиб борилмоқда.

Манба: Давлат божхона қўмитаси расмий сайти.