Тошкент, Ўзбекистон (UzDaily.uz) -- Ўзбекистон Республикаси Президентининг 2019-йил 22-февралда “Ўзбекистон Республикаси фуқароларининг муддатли ҳарбий хизматни ўташ тартибини такомиллаштиришга оид қўшимча чора-тадбирлар тўғрисида”ги қарори қабул қилинди. Хужжатга мувофиқ, 2019 йилдан бошлаб чақирилиш муддатини кечиктириш ҳуқуқига эга бўлмаган Ўзбекистон Республикаси фуқаролари март-апрел ойларида муддатли ҳарбий хизматга чақирилади.

Шунингдек, муддатли ҳарбий хизматни ўташга яроқли ҳамда чақирилиш муддатини кечиктириш ва чақирилишдан озод этиш ҳуқуқига эга бўлмаган, жорий йил чақирув мобайнида Қуролли Кучлар сафига чақирилмайдиган фуқаролар сафарбарлик чақируви резервига олинади.

Эслатиб оʻтамиз, илгари Ўзбекистон Республикаси фуқаролари феврал-март ойларида муддатли ҳарбий хизматга чақириларди.

Манба: Ўзбекистон Республикаси Мудофаа вазирилиги Ахборот хизмати.