Ташкент, Ўзбекистан (UzDaily.uz) -- “Буюк келажак” ва Энергетика вазирлиги ўртасида ҳамкорлик тўғрисидаги меморандум имзоланди. Ушбу хужжат мамлакатимизда энергетика соҳасини  хориж тажрибаси асосида ривожлантириш, қайта тикланувчи энергия манбалари ва инфратузилма объектларининг қурилиши бўйича таклифларни ишлаб чиқиш, замонавий энергия тежовчи ва самарали технологияларни жорий қилиш каби ишларни ўз ичига олади. Учрашув давомида томонлар 2035 йилга қадар қайта тикланадиган энергия манбаларини аниқлаш ҳамда атом энергетикаси тараққиёти хусусида фикр алмашилди. Шунингдек, қўшма эксперт ва ишчи гуруҳларни ташкил қилиш бўйича ҳам келишиб олинди.