Ташкент, Узбекистан (UzDaily.uz) – Пойтахтимизга Чехия ишбилармон доира вакиллари ташриф буюрди. Улар иштирокида ташкил этилган форумда, мехмонлар муҳандислик, энергетика, логистика соҳаларида, шунингдек, қурилиш материалларини ишлаб чиқариш бўйича ҳамкорлик қилишни таклиф қилди. Форумда шунингдек, ёқилғи энергетика комплекси, банк-молия тизимидаги алоқаларни кенгайтириш, мамлакатимиздаги хусусийлаштириш жараёнларига чехия компанияларини жалб этиш, ўзаро савдо ҳажмини ошириш масалалри муҳокама қилинди.

2018 йил икки мамлакат ўртасидаги ўзаро товар айланма 69 млн долларни ташкил этди. Жумладан экспорт 5,6 млн доллар бўлган бўлса, импорт 58,7 млн доларга етди.

Чехия ишбилармон доира вакиллари гидроэлектростанциялар ва жихозлаш ускуналарини ишлаб чиқариш жараёнларини модернизация қилиш, логистика, таълим, шунингдек ахборот тизими хавфсизлиги борасида икки томонлама ҳамкорликни ривожлантиришга қизиқиш билдирдилар.