Бухорода “Қалблар дардига дармон” номли биринчи Халқаро замонавий санъат биенналеси очилди

Тошкент, Ўзбекистон (UzDaily.uz) — Бухорода “Қалблар дардига дармон” номли биринчи Халқаро замонавий санъат биенналесининг тантанали очилиш маросими бўлиб ўтди.

Тадбир турли мамлакатлардан келган маданий ва дипломатик доиралар вакиллари, рассомлар, санъат арбоблари ва меҳмонларни жамлади. Маросимда Ўзбекистон Президенти Администрацияси раҳбари Саида Мирзиёева, шунингдек, биеннале бош ташкилотчиси Гаяне Умерова, муҳофиз Диана Кемпбелл ва меъморчилик дастури бўйича санъат мудири Ваэл ал Авар сўзга чиқдилар. Улар ўз чиқишларида Бухоронинг санъат ва тарих мулоқоти учун бетакрор макон сифатидаги аҳамиятини таъкидладилар.

Маданият ва санъатни ривожлантириш жамғармасининг ушбу лойиҳаси Бухоронинг эски шаҳар қисмини қайта тиклаш дастурининг бир қисмига айланиб, мамлакатимизнинг меросни асраб-авайлаш ва уни замонавий талқин этиш бўйича стратегик йўналишини ўзида акс эттиради.