Тошкент, Ўзбекистон (UzDaily.uz) --Ахборот соҳаси ва оммавий коммуникацияларни янада ривожлантиришга оид қўшимча чора-тадбирлар тўғрисидаги Президент Фармони қабул қилинди. Ҳужжат билан қуйидагилар ташкил этилди:

Ўзбекистон матбуот ва ахборот агентлиги негизида Президент Администрацияси ҳузуридаги Ахборот ва оммавий коммуникациялар агентлиги;

Ахборот соҳаси ва оммавий коммуникацияларни ривожлантиришни қўллаб-қувватлаш жамғармаси;

Ахборот ва оммавий коммуникациялар агентлигининг Оммавий коммуникациялар масалалари бўйича маркази.

Агентликнинг асосий вазифаси, жумладан мамлакатни ижтимоий-сиёсий ва социал-иқтисодий ривожлантиришда оммавий ахборот воситаларининг ролини кучайтиришдир.

Агентлик фонограммалар ва аудиовизуал асарларни тарқатишда муаллифлик ҳуқуқлари соҳасидаги қонунчиликка риоя қилиниши устидан давлат назоратини амалга оширади.

Илгари бу назоратни Ахборотлаштириш ва телекоммуникациялар соҳасида назорат бўйича давлат инспекцияси амалга оширган.

Манбаа:Адлия ваизрлигининг телеграмдаги “Ҳуқуқий ахборот” канали.