Тошкент, Ўзбекистон (UzDaily.uz) — 11 декабрь куни Цюрихда бўлиб ўтган навбатдан ташқари ФИФА конгрессида 2030 ва 2034 йилларда футбол бўйича Жаҳон чемпионати мезбонлари аниқланди.

2030 йилги Жаҳон чемпионатининг асосий мезбонлари сифатида Испания, Португалия ва Марокаш белгиланди. Шунингдек, турнирнинг айрим учрашувлари Жанубий Америка давлатлари — Аргентина, Парагвай ва Уругвайда ўтказилади.

2034 йилги Жаҳон чемпионати эса Саудия Арабистонида ўтказилади. Саудия Арабистони турнирни ўтказиш учун ягона номзод бўлган. Йозги ҳароратнинг юқори бўлиши сабабли чемпионат қиш фаслида ўтказилади.

Эслатиб ўтамиз, 2026 йилги футбол бўйича Жаҳон чемпионати АҚШ, Канада ва Мексикада ўтказилади. Европа саралаш турнирининг қуръаси 13 декабрь куни ўтказилади.