Осиё тараққиёт банкининг (ОТБ) янги ҳисоботида айтилишича, бу йил COVID-19 пандемияси, талабнинг сустлиги, саноат ишлаб чиқаришининг пасайиши ва хизмат кўрсатиш соҳасининг қисқариши натижасида Ўзбекистон иқтисодий ўсишининг секинлашиши кутилмоқда.

ОТБ Ўзбекистон ялпи ички маҳсулотининг ўсишини 2020 йил июнь ойида прогноз қилинган 1,5% дан 0,5% ўсишга пасайтирди. Шу билан бирга, жорий йилги прогнозга мувофиқ, ЯИМ 2021 йилда 6,5% гача кескин ўсиши кутилмоқда.

Банкнинг инфляция прогнозлари ўзгаришсиз қолмоқда - 2020 йилда 13%, 2021 йилда - 10%. Пандемия билан боғлиқ бўлган узилишлар озиқ-овқат нархларининг 2020 йил 7 ойидаги инфляциясини кучайтирди, бошқа товар ва хизматлар инфляцияси эса шу даврда пасайиб кетди. Aйни пайтда, ўтган йилга нисбатан, ўзбек сўмининг AҚШ долларига нисбатан қадрсизланиши 2019 йилнинг биринчи ярмидаги 2,5% дан бу йил 6,7% гача кўтарилди.