Ташкент, Узбекистан (UzDaily.uz) – Сифати кафолатланмаган тиббиёт воситалари ва ускуналарини юртимизга яширин йўллар билан олиб киришга уриниш ўз вақтида божхоначилар томонидан бартараф қилиб келинмоқда.

Хусусан, Тошкент халқаро аэропортига хориждан учиб келган фуқаро Н.Х.нинг хатти-ҳаракатлари божхоначилари эътиборини тортди ва белгиланган тартибда холислар иштирокида назоратдан ўтказилди. Натижада, унинг юклари орасидан божхона назоратига тақдим қилинмаган ва божхона ходимининг оғзаки сўровида маълум қилинмаган жами 522 дона турли хилдаги асосан жаррохлик учун мўлжалланган тиббиёт буюмлари борлиги аниқланди.

Ҳозирда ушбу холат юзасидан текширув ишлари давом этмоқда.

Манба: Давлат божхона қўмитаси матбуот хизмати.