Энг сўнгги янгиликлардан хабардор бўлинг
Телеграм каналимизга обуна бўлинг
Ўзбекистон
17/05/2018
Президент Вашингтондаги санъат галереясини кўздан кечирди
Президент Вашингтондаги санъат галереясини кўздан кечирди
Тошкент, Ўзбекистон (UzDaily.uz) --
Ўзбекистон Президенти ташрифи арафасида Вашингтондаги Артур Саклер галареясида ўзбек атласи ва адраси кўргазмаси очилган эди. Бу ҳақда Ўзбекистон Республикаси Президенти Матбуот хизмати хабар беради.
Давлатимиз раҳбари мазкур кўргазма билан танишди.
Ушбу галерея Шарқ санъати мухлиси бўлган Артур Саклер томонидан ташкил этилган. Бу ерда Шарқ мамлакатлари, жумладан, Марказий Осиё халқлари санъати намуналари намойиш этиб келинади.
Шу кунларда давом этаётган кўргазмада Гарвард университети олими Гуидо Голдман томонидан тўпланган қадимий атлас ва адрас кийимлар, америкалик дизайнер Оскар де ла Рента тиккан шундай либослар намойиш этилмоқда.
Шавкат Мирзиёев музейнинг Марказий Осиё бўлимидаги миниатюра ва қўлёзмаларни кўздан кечирди, ўзбек амалий санъати буюмлари тарихи билан қизиқди.
СЎНГИ ЯНГИЛИКЛАР