Ташкент, Узбекистан (UzDaily.uz) - Андижон машинасозлик институти Олий ва ўрта махсус таълим вазирлигининг Академик инновациялар фонди томонидан эълон қилинган гранти танловида ғолибликни қўлга киритиб, Жаҳон банки томонидан 60 минг  АҚШ доллари миқдорида молиялаштиришга эга бўлди.

Лойиҳа 2019 йил март ойидан бошланиб, “Мехатроника ва робототехника” йўналиши бўйича жаҳоннинг етакчи ОТМлари ва “GM Uzbekistan” AЖ ҳамкорлигида 16 ой давомида амалга оширилади.

Лойиҳа доирасида қуйидаги ишлар амалга оширилади:

Санкт-Петербург политехника  ва Шимолий Хитой технологиялар университетларида институт профессор-ўқитувчиларининг малакасини ошириш;

ўқув-илмий лаборатория ташкил қилиш;

Институтда “Форсайт - мехатроника” марказини яратиш;

Аёл тадқиқотчиларни қўллаб-қувватлаш.

Манба: Олий ва ўрта махсус таълим вазирлигининг расмий телеграм канали.