Энг сўнгги янгиликлардан хабардор бўлинг
Телеграм каналимизга обуна бўлинг
Ўзбекистон
03/05/2018
Абдулазиз Камилов Корея Республикаси делегация билан учрашди
Абдулазиз Камилов Корея Республикаси делегация билан учрашди
Тошкент, Ўзбекистон (UzDaily.uz) --
2018 йилнинг 3 май куни Ўзбекистон Республикаси Ташқи ишлар вазири Абдулазиз Камилов мамлакатимизга ташриф буюрган Корея Республикасининг Шимол билан иқтисодий ҳамкорлик қўмитаси раиси Сонг Ёунг-гил бошчилигидаги делегация билан учрашди. Бу ҳақда вазирлик матбуот хизмати хабар беради.
Суҳбат чоғида Ўзбекистон Республикаси Президенти Шавкат Мирзиёевнинг 2017 йил 22-25 ноябрь кунлари Корея Республикасига давлат ташрифи ва Президент Мун Же Ин ва Жанубий Кореянинг бошқа раҳбарлари билан музокаралари доирасида эришилган келишувларни амалга ошириш нуқтайи назаридан турли соҳалардаги икки томонлама ҳамкорликни янада ривожлантиришнинг истиқболли йўналишлари юзасидан фикр алмашилди.
Учрашувда бўлиб ўтган кореялараро саммит ва унинг муваффақиятли якунлари кўп жиҳатдан Корея Республикасининг “Янги шимолий сиёсати”ни босқичма-босқич ва ҳар томонлама ўйлаб амалга ошириши натижасида эришилгани таъкидланди.
Учрашувда икки томон кун тартибининг бошқа долзарб масалалари ҳам муҳокама қилинди.
Музокараларда Корея Республикаси Элчиси Квон Ён У ҳам иштирок этди.
СЎНГИ ЯНГИЛИКЛАР