Toshkent, O‘zbekiston (UzDaily.uz) — Zokir Ishpulatov suv xo‘jaligi vazirining o‘rinbosari — Suv xo‘jaligi obyektlaridan foydalanish agentligi direktori lavozimiga tayinlandi.

O‘zbekiston Respublikasi Prezidentining tegishli qaroriga muvofiq tayinlov amalga oshirilgani haqida vazirlik matbuot xizmati xabar berdi.

Avvalroq Zokir Ishpulatov Vazirlar Mahkamasining investitsiyalar, eksport, savdo, qishloq va suv xo‘jaligi masalalari bo‘yicha kotibiyatining bosh mutaxassisi lavozimida faoliyat yuritgan.

Uning yangi lavozimidagi asosiy vazifalari quyidagilardan iborat: suvni belgilangan limitlar va jadvallarga muvofiq yetkazib berishni ta’minlash, suv resurslaridan foydalanish samaradorligini oshirish, nasos stansiyalari ishini muvofiqlashtirish hamda elektr energiyasi iste’molini qisqartirish.