Toshkent, O‘zbekiston (UzDaily.uz) — Moslik deklaratsiyalarini ro‘yxatdan o‘tkazish tartibi soddalashtiriladi.

1 maydan boshlab moslik deklaratsiyalarini sertifikatlashtirish organlarida majburiy ro‘yxatdan o‘tkazish bekor qilinadi. Endi deklaratsiyalarni shakllantirish va hisobga olish faqat Texnik tartibga solishning axborot tizimi orqali amalga oshiriladi.

Tovlarni bojsiz olib kirish bo‘yicha yangilangan meʼyorlar

Fuqarolar tomonidan shaxsiy ehtiyoj uchun tovarlarni bojsiz olib kirishdagi limitlar o‘zgarmoqda:

Havo transporti — 1000 AQSH dollarigacha

Temiryo‘l va daryo transporti — 500 AQSH dollarigacha

Avtomobil (piyoda) o‘tish punktlari — 300 AQSH dollarigacha

Xalqaro kuryerlik orqali yuborish — 200 AQSH dollarigacha

Xalqaro pochta orqali yuborish — 100 AQSH dollarigacha

Banklar vakolati kengaytiriladi

Ustav kapitalida davlat ulushi 50% va undan ortiq bo‘lgan banklar va ularning investitsiya kompaniyalari auksionda sotilmagan garov mulkini mustaqil ravishda sotish huquqiga ega bo‘ladi. Bu amaliyot qarz shartnomalari, muddatli to‘lov yoki lizing shartnomalari orqali amalga oshirilishi mumkin.

Qurilish va uy-joy kommunal sohasida davlat nazorati shartnoma asosida amalga oshiriladi

Agar tadbirkor bilan hududiy inspeksiyalar o‘rtasida kelishuv tuzilsa, qisqa muddatli tekshiruvlar shartnoma asosida o‘tkaziladi va “Yagona davlat nazorati” axborot tizimida majburiy ro‘yxatdan o‘tkazilishi shart bo‘lmaydi.

Davlat organlari kadrlar rahbarlarini attestatsiyadan o‘tkazish

1 maydan boshlab:

Respublika va mahalliy ijro organlarining inson resurslarini boshqarish sohasidagi faoliyati vakolatli davlat organi tomonidan baholanadi

Kadrlar bo‘limi boshliqlari majburiy attestatsiyadan o‘tadilar

Fonogrammalardan foydalanish cheklanadi

Byudjet va nobyudjet mablag‘lari hisobidan moliyalashtiriladigan konsertlarda fonogrammadan foydalanish bosqichma-bosqich taqiqlanadi.

Reklamada ijro formati majburiy ko‘rsatiladi:

“Jonli ijro”,

“Jonli ovoz, fonogramma bilan”,

“Fonogrammada konsert”.

Davlat mukofotlari uchun nomzodlarni ko‘rib chiqishda jonli ijro etuvchi artistlarga ustuvorlik beriladi.

Kam taʼminlangan oilalarga energiya xarajatlarini qoplash

2027 yil 1 aprelgacha:

Yagona ijtimoiy himoya reyestridagi yoki kam taʼminlangan deb topilgan oilalarga quyidagi kompensatsiyalar beriladi:

Elektr energiyasi bo‘yicha — asosiy meʼyordan 150 kVt/soatgacha farq uchun

Tabiiy gaz — isitish mavsumida 250 m³ gacha, boshqa oylarda 150 m³ gacha

Kreativ park rezidentlari uchun soliq imtiyozlari

2031 yil 1 yanvarigacha quyidagi imtiyozlar amal qiladi:

Ijtimoiy soliq va jismoniy shaxslar daromad solig‘i stavkasi 50% ga kamaytiriladi

Aylanma solig‘ini tushum hajmiga bog‘liq bo‘lmagan holda to‘lash huquqi beriladi

Biznesni kengaytirishga ko‘mak

O‘zini o‘zi band qilgan shaxslar yakka tartibdagi tadbirkor yoki yuridik shaxs sifatida ro‘yxatdan o‘tganda davlat boji undirilmaydi.

Imtiyozli, garovsiz kreditlar taqdim etiladi:

Yakka tartibdagi tadbirkorlikka o‘tganda — 50 mln so‘mgacha

Mikrofirma yoki kichik korxonaga o‘tganda — 150 mln so‘mgacha

O‘rta va yirik biznes toifasiga o‘tgan subyektlar uchun QQS qaytarish muddati 1 yil davomida 7 kungacha qisqartiriladi.

Ayol tadbirkorlarni qo‘llab-quvvatlash dasturi — “Hamroh”

Dastur doirasida:

Mentor tadbirkorlarga 5 nafar ayolga yordam bergani uchun 50 mln so‘mgacha grant beriladi

Ijobiy kredit tarixiga ega ayollarga 100 mln so‘mgacha garovsiz kredit ajratiladi

Uskunalar yetkazib berilguniga qadar “Tadbirkorlikni rivojlantirish kompaniyasi” kafillik beradi

Yangi soliq tekshiruvlari tartibi

Avtomatlashtirilgan soliq xatarlari tahlili orqali aniqlangan soliq bazasi yashirilishi holatlarida, 10 ish kuni oldin ogohlantirish talabi tatbiq etilmaydi.

«Toza qo‘llar» dasturi ishga tushiriladi

Dasturda quyidagilar ko‘zda tutilgan:

Qo‘l yuvish uchun sanitar-gigiyenik sharoitlarni taʼminlash

Taʼlim va sog‘liqni saqlash muassasalarida sanitariya xonalarini yaxshilash

Ekologik cheklovlar

1 maydan boshlab Toshkent, Nukus va viloyat markazlarida quyidagi loyihalarni amalga oshirish taqiqlanadi:

Asbest, sement, shlam, shlak ishlab chiqarish

Terini qayta ishlash, parrandachilik fabrikalari

Samarasiz filtrsiz ko‘mir yoqish

Zaharli moddalar chiqaradigan metallurgiya va shisha korxonalari

I va II toifali xavfli chiqindilarni qayta ishlash va yoqish korxonalari

“Halol” belgisini joriy etish

Islom mamlakatlari standartlash va metrologiya instituti standartlari bo‘yicha sertifikatlangan mahsulot va xizmatlar uchun “Halol” belgisini majburiy tarzda joriy etish rejalashtirilmoqda.

Soliq organlarining operatsiyalarni to‘xtatish vakolati

Agar soliq qoidabuzarligi aniqlansa, soliq organlari tadbirkorning bank operatsiyalarini to‘xtatib qo‘yish huquqiga ega bo‘ladi.

Suv transportiga qo‘yiladigan yangi talablar

GPS, avtomatik tezlikni pasaytirish tizimiga ega va milliy monitoring-navigatsiya tizimiga ulangan dvigatelli suv transportlaridan foydalanishga ruxsat beriladi.