Toshkent, O‘zbekiston (UzDaily.uz) — Bayramlarda tariflar o‘zgarmaydi, ammo talabning oshishi sababli safar narxi oshishi mumkin. Yandex Go 31 dekabr - yangi yil kechasi va 1 yanvar kuni taksi buyurtma qilish uchun eng foydali vaqtlarni aytdi.

2023 yil davomida xizmatdan foydalanish bo‘yicha olingan ma’lumotlarga asoslanib, Yandex Go 31 dekabr va 1 yanvar kunlari safar buyurtma qilish uchun eng yaxshi vaqtni prognoz qildi*.

31 dekabr kuni safar buyurtmasini soat 8:00 dan 16:30 gacha berish eng foydali. Kechqurun haydovchilar ishni yakunlay boshlashadi, chunki ular yangi yil dasturxoni atrofida oilalari bilan bo‘lishni istashadi. Shu sababli, o‘sha paytda yo‘lda mashinalar kamroq bo‘lib, narxlar vaqtincha oshishi mumkin.

31 dekabr kechasi va yarim tundan keyin ko‘pchilik uyda o‘tirmay ko‘chaga chiqishadi yoki mehmonga borishadi — talab ortadi, ammo haydovchilar soni oddiy kechaga qaraganda kamroq bo‘ladi, shu sababli safar narxi oshishi mumkin. Yangi yil kechasi mehmonga borish, sayr qilish yoki uyga qaytish uchun eng yaxshi vaqt – 1:30 dan 3:00 gacha.

1 yanvar kuni soat 3:00 dan 7:30 gacha odamlar uylariga qaytishadi, shuning uchun bu vaqt ichida safar narxi yuqori bo‘lish ehtimoli bor va mashina kutish vaqti ham ko‘proq bo‘lishi mumkin.

1 yanvar kuni ertalab safar buyurtmasini soat 7:30 dan 10:00 gacha berish ma’qul, chunki bu vaqtda haydovchilar ishga chiqishni boshlashadi, aksariyat odamlar esa shu paytga qadar bayramni yakunlab, uylariga yetib kelishadi. Undan keyingi vaqtda yanada foydaliroq safarlar uchun eng qulay vaqtlar — 13:30 dan 16:30 gacha va 19:00 dan 22:00 gacha.

Taksida pulni tejash haqida layfxaklar

1. Talab indeksiga e’tibor qarating: Foydalanuvchilarga safarlarini yaxshiroq rejalashtirishlarida yordam berish uchun Yandex Go ilovasida talab indeksi mavjud — u real vaqt rejimida talab darajasini ko‘rsatadigan maxsus ko‘rsatkich. Talab indeksini dasturning asosiy ekranidagi yuqori chap burchakdan topish mumkin. Agar yo‘nalishda bo‘sh mashinalar yetarlicha bo‘lsa, ko‘rsatkich yashil rangda bo‘ladi va safar narxi odatdagidek bo‘ladi. Agar talab oshgan bo‘lsa, indeks manfiy yoki qizil rangga aylanadi va safar narxi odatdagidan yuqori bo‘ladi.

2. Ilovadagi “Kutish” maslahatidan foydalaning: Dastur foydalanuvchiga mashina kelishi uchun biroz ko‘proq kutishni taklif qilishi mumkin. Bu maslahat orqali, hatto talab yuqori bo‘lgan paytlarda ham safarni tejash imkonini beradi.

3. “Birgalikda” tarifidan foydalaning: Agar safarni hamroh bilan bo‘lishsangiz, “Birgalikda” tarifini tanlasangiz, safar arzonroq bo‘ladi.

4. Mashina butun soatlarda buyurtma qilmang: Agar mashina butun soatlarda buyurtma qilinsa, talab biroz kamroq bo‘lishi mumkin. Shuning uchun butun soatga 5-20 daqiqa qolganida buyurtma qilish tavsiya etiladi. Masalan, agar siz 15:00 da uydan chiqishni rejalashtirgan bo‘lsangiz, bunga 14:40 da buyurtma qilganingiz ma’qul.

Yangi yil oldidan xizmatda safar narxini tashkil etuvchi tariflar — 1 kilometr va 1 daqiqalik yo‘lning narxi o‘zgarmaydi. Ammo safarning umumiy narxiga talab darajasi va liniyadagi bo‘sh mashinalar soni ham ta’sir qiladi: agar ketishni istaganlar soni bo‘sh haydovchilardan ko‘p bo‘lsa, safar narxi odatdagidan yuqori bo‘lishi mumkin.

Bayram oldidan odamlar shahar bo‘ylab faol harakat qilishadi, ko‘pchilik sovg‘a olish va yaqinlarinikiga mehmonga borishga shoshiladi. Bir vaqtning o‘zida ko‘p odamlar taksi buyurtma qilishadi, shuning uchun talab oshadi. Bu paytda haydovchilar ham bayramga tayyorgarlik ko‘rishadi va ayrimlari liniyaga chiqmasligi mumkin. Bu nomutanosiblikni tuzatish va ko‘proq haydovchilarni jalb qilish uchun, xizmatda avtomatik ravishda narxni oshirish koeffitsiyenti yoqiladi. Bu vaqtincha chora bo‘lib, safarni tez olishni istaganlarga imkoniyat yaratadi. Koeffitsiyent ko‘proq haydovchilarni liniyaga jalb qiladi va ularning soni yetarlicha bo‘lganida, barcha istaganlar uchun safarlar ta’minlanganda, narxlar normallashadi.

 Ma’lumot tavsiyaviy xarakterga ega. Safar narxi va talab dinamikasi haqiqiy holatda farq qilishi mumkin.