Toshkent, O‘zbekiston (UzDaily.uz) — O‘zbekiston yoshlar terma jamoasi Xitoyda bo‘lib o‘tadigan 20 yoshgacha bo‘lgan futbolchilar o‘rtasidagi Osiyo chempionatining guruh bosqichidagi raqiblarini bilib oldi.

O‘zbekiston terma jamoasi Yaman, Indoneziya va Eron bilan bir guruhdan joy oldi.

Amaldagi Osiyo chempionlari musobaqani Yamanga qarshi o‘yin bilan ochadi, so‘ngra Indoneziya bilan uchrashadi va guruh bosqichining so‘nggi o‘yini Eronga qarshi o‘tkaziladi.

Turnir 2025-yilning 12-fevralidan 1-martiga qadar Xitoyda bo‘lib o‘tadi.