Toshkent, O‘zbekiston (UzDaily.uz) — 22-dekabr kuni Toshkentdagi Humo Arena muz saroyida Minskning «Dinamo» va Moskvaning «Spartak» jamoalari o‘rtasida Kontinental xokkey ligasi (KXL) doimiy chempionati doirasida o‘yin bo‘lib o‘tdi. «Spartak»ning 78-yilligiga bag‘ishlangan o‘yin KHL World Games tarixidagi eng ko‘p tomoshabin to‘plangan o‘yin bo‘ldi — 9405 kishi. O‘zbekiston KXL o‘yinini qabul qilgan 16-davlatga aylandi.

Tadbir doirasida O‘zbekistonlik yosh xokkeychilar jahon xokkeyining afsonalari Ilya Kovalchuk, Sergey Fyodorov va Valeriy Kamenskiydan mahorat darsi oldilar. Tomoshabinlar uchun afsonaviy xokkeychilar va stendap-komik Yevgeniy Chebatkov bilan avtograf-sessiyalar, shuningdek, tanlov va sovg‘alar o‘yini tashkil etildi.

O‘yin «Spartak»ning overtaymdagi 3:2 hisobidagi g‘alabasi bilan yakunlandi. KXL prezidenti Aleksey Morozov o‘yinning tashkilotchiligini va rekord darajadagi tashrifni yuqori baholadi. KXL yangi mavsumda ham bunday o‘yinlarni davom ettirishni rejalashtirmoqda.