Toshkent, O‘zbekiston (UzDaily.uz) — Nomaqul ob-havo sharoitlari (tuman) tufayli Toshkent xalqaro aeroportida samolyotlarni qabul qilishda cheklovlar joriy etildi, deb xabar bermoqda Uzbekistan Airports matbuot xizmati.

Bir nechta reyslar zaxira aerodromlariga yo‘naltirildi:

Silk Avia aviakompaniyasining Farg‘ona–Toshkent yo‘nalishidagi US402 reysi Samarqandga;

Uzbekistan Airwaysning Bishkek–Toshkent yo‘nalishidagi HY778 reysi Samarqandga;

UTair aviakompaniyasining Surgut–Toshkent yo‘nalishidagi UTA-709 reysi Samarqandga;

Centrum Air aviakompaniyasining Dubay–Toshkent yo‘nalishidagi MFX-352 reysi Samarqandga.

Shuningdek, Uzbekistan Airwaysning Grozniy–Toshkent yo‘nalishidagi HY9702 reysi Buxoro zaxira aerodromiga yo‘naltirildi.