Toshkent, O‘zbekiston (UzDaily.uz) — Braziliyada World Boxing tashkiloti tomonidan o‘tkazilayotgan Jahon Kubogida O‘zbekiston boks jamoasining to‘rt nafar vakili finalga yo‘l oldi. Bu haqda Milliy olimpiya qo‘mitasi matbuot xizmati xabar berdi.

Turabek Habibullayev (90 kg gacha), Asilbek Jalilov (50 kg gacha), Fazliddin Erkinboyev (75 kg gacha) va Jahongir Zokirov (90 kg dan yuqori) finalga yo‘llanma olgan bokschilar hisoblanadi. Shu bilan birga, 60 kg gacha bo‘lgan vazn toifasidagi Madiyar Daniyarov yarim finalda braziliyalik Luis Oliveyraga yutqazib, musobaqaning bronza medalini qo‘lga kiritdi.

Yarim final janglarining ikkinchi kuni 4 aprel kuni bo‘lib o‘tadi. Shu kuni yana uch nafar o‘zbekistonlik bokschi ringga chiqadi: 55 kg gacha bo‘lgan vaznda Mirazizbek Mirzaxalilov Gvatemalalik Xose Felipe bilan to‘qnash keladi, Jahohir Ummataliyev (80 kg gacha) qozog‘istonlik Dias Moljigitov bilan jang qiladi, hamda Akmaljon Isroilov (85 kg gacha) polyak Yakub Strashevskiyga qarshi jang olib boradi.