Toshkent, O‘zbekiston (UzDaily.uz) — “BBC Studios France” delegatsiyasi “Top Gear France” dunyoga mashhur avtomobil ko‘rsatuvining yangi qismini suratga olish uchun O‘zbekistonga yetib keldi.  

Fransiya delegatsiyasi, jumladan, boshlovchilar va tasvirchilar jamoasi ko‘rsatuvni O‘zbekistonning tabiati va boy madaniy merosi fonida tasvirga olishni boshlab yubordilar. 

Yangi qismda hayajonli avtomobil sinovlari hamda O‘zbekiston go‘zal ko‘chalari, tog‘lari hamda Toshkent va Samarqand shaharlarining maftunkor manzaralari namoyish etiladi. Delegatsiya mamlakatning betakror go‘zalligi va avtomobilsozlik salohiyatini butun dunyo muxlislariga ko‘rsatishga intilmoqda.