Toshkent, O‘zbekiston (UzDaily.uz) — Jarqo‘rg‘on tumanidagi Oq-Tepa suv ombori hududida ekoturizmni rivojlantirish bo‘yicha Bosh reja (Master reja) va Batafsil rejalashtirish loyihasi ishlab chiqildi. Ushbu reja fuqarolar, biznes vakillari, mahalliy hokimiyat va investorlar bilan hamkorlikda ishlab chiqilib, barcha tomonlarning manfaatlarini hisobga olish imkonini berdi.

 Qishloq hududining Bosh rejasi ekoturizm loyihasini amalga oshirish uchun kompleks strategiyani belgilaydi. U hududni funksional hududlarga ajratish, transport infratuzilmasini qurish va turistik obyektlarni batafsil rejalashtirishni o‘z ichiga oladi. Shuningdek, reja hududni rivojlantirish strategiyasini ishlab chiqishga va mahalliy hamda xorijiy sayyohlarning oqimini oshirishga yo‘naltirilgan.

Ushbu Bosh reja ijtimoiy-iqtisodiy va ekologik sharoitlarni baholash hamda turizm, qishloq xo‘jaligi va sanoat kabi sohalarda rivojlanishning asosiy yo‘nalishlarini belgilash bo‘yicha tavsiyalarni o‘z ichiga oladi.

Ushbu loyihaning amalga oshirilishi hududning barqaror rivojlanishiga hissa qo‘shadi va mahalliy iqtisodiyotga sezilarli ta’sir ko‘rsatadi.