Toshkent, O‘zbekiston (UzDaily.uz) — 2025 yil 15 may holatiga ko‘ra, Amerika dollari 12 983 so‘mni tashkil etmoqda. Shu tarzda, so‘m bir hafta ichida 0,72% ga qadrsizlandi. Undan avvalgi haftada so‘mning pasayishi 0,32% ni tashkil etgan edi. Bunday dinamika eʼtiborga loyiq.

Bu holat shundan ham g‘ayrioddiyki, so‘mning eng yaqin “tayanchi” bo‘lgan Rossiya rubli so‘nggi ikki yil ichidagi eng yuqori darajagacha mustahkamlandi. Oddiyda so‘m va rubl o‘rtasida korrelyatsiya mavjud, ammo hozirgi paytda bu bog‘liqlik “uzildi” va so‘mning foydasiga ishlayotgani yo‘q.

Shu bilan birga, aprel oyi yakunlariga ko‘ra, O‘zbekistonning oltin-valyuta zaxiralari $1,4 milliardga oshib, $49,25 milliardga yetdi. Valyuta zaxiralari hajmi $10,4 milliarddan $11,0 milliardgacha o‘sdi. Bu ijobiy ko‘rsatkichlardir. Bu o‘sish asosan aprel oyida oltin narxining deyarli 6% ga oshishi hisobiga yuzaga kelgan.

O‘zbekiston Markaziy bankining taʼkidlashicha, 2026 yildan inflyatsiya o‘sish surʼati sekinlashadi. Hozirda yillik isteʼmol narxlari indeksi 10% dan yuqori, bu asosan energetika sohasidagi narxlarni liberallashtirish islohotlari tufayli yuzaga kelgan. Markaziy bank fikriga ko‘ra, 2025 yil inflyatsiya nuqtai nazaridan eng og‘ir va so‘nggi yil bo‘ladi.

Rasmiy prognozga ko‘ra, 2025 yil oxirigacha inflyatsiya 8% gacha pasayishi, 2026 yilda esa 6% bo‘lishi kutilmoqda.

Inflyatsion bosimning pasayishi so‘m kursining barqarorlashuviga yordam berishi mumkin.

Kelasi haftada dollar/so‘m jufti 12 880 — 13 020 so‘m oralig‘ida harakat qilishi kutilmoqda.

Anna Bodrova, “Alpari” tahlilchisi