Sirdaryo Xitoy bilan logistika va agrosanoat kompleksi loyihalarini muhokama qildi

Toshkent, O‘zbekiston (UzDaily.uz) — Sirdaryoda viloyati hokimi Erkinjon Turdimov Xitoy Xalq Respublikasidagi tashrif doirasida Xinjiang Trade and Logistics Group, Xinjiang Machinery Research Institute Co.,Ltd. va Hualing Cattle Industry Group Co., Ltd. kompaniyalari rahbariyati bilan uchrashuv o‘tkazdi.

Muloqotda Sirdaryo viloyatida qishloq xo‘jaligi mahsulotlari logistikasini rivojlantirish, yirik shoxli qora mollar yetishtirish bo‘yicha hamkorlikni yo‘lga qo‘yish, shuningdek, kombaynlar uchun ehtiyot qismlar ishlab chiqarish imkoniyatlari muhokama qilindi.

Uchrashuvda Sirdaryoni Markaziy Osiyo bozorlariga chiqishda qulay ishlab chiqarish va logistika maydoniga aylantirish, mahalliy xomashyo va mavjud imkoniyatlardan samarali foydalanish masalalari yuzasidan fikr almashildi.