Toshkent, O‘zbekiston (UzDaily.uz) — Sirdaryo viloyati hokimi Akmaljon Mahmudaliyev lavozimidan ozod etildi.

Uning ishida jiddiy kamchiliklar aniqlangani, jumladan, investitsiyalarni jalb qilish, qishloq xo‘jaligini rivojlantirish va hududiy faoliyatning boshqa muhim yo‘nalishlariga yetarlicha e’tibor qaratilmagani sabab bo‘ldi.

Bu haqda O‘zbekiston Prezidenti Shavkat Mirziyoyev rahbarligida investitsiyalarni jalb qilish va eksport hajmini oshirish bo‘yicha olib borilgan ishlar natijalari muhokama qilingan, shuningdek, kelajakdagi asosiy vazifalar belgilab olingan videoselektor yig‘ilishida ma’lum qilindi.