Sankt-Peterburg gubernatori Toshkentdagi biznes markazi qurilishini ko‘zdan kechirdi

Toshkent, O‘zbekiston (UzDaily.uz) — Sankt-Peterburg gubernatori Aleksandr Beglov rasmiy delegatsiya aʼzolari bilan birga Toshkentda barpo etilayotgan “Sankt-Peterburg” biznes markaziga tashrif buyurib, qurilish ishlari jadvalga muvofiq olib borilayotganiga amin bo‘ldi. Bu haqda Rossiyaning O‘zbekistondagi elchixonasi matbuot xizmati xabar berdi.

Rossiya delegatsiyasiga O‘zbekiston sport vaziri Adham Ikramov hamda Savdo-sanoat palatasi raisi Davron Vahabov hamrohlik qildi.

«Toshkentdagi “Sankt-Peterburg” biznes markazi qurilishi belgilangan rejaga muvofiq rivojlanmoqda va hozirda yakuniy bosqichga kirdi. Biz kelgusi yilda savdo uyini ochishni rejalashtirmoqdamiz, u tadbirkorlar hamkorligi uchun maydonchaga aylanadi», — dedi Aleksandr Beglov, uning so‘zlarini matbuot xizmati keltiradi.