Toshkent, O‘zbekiston (UzDaily.uz) — O‘zbekiston Markaziy Osiyo mamlakatlari orasida chiqindilarni energiyaga qayta ishlash bo‘yicha pionerga aylanadi.

2024-yil oxirida Xitoyning Shanghai SUS Environment Co. Ltd kompaniyasi vitse-prezidenti Tom Shi O‘zbekiston bilan hamkorlikni yuqori baholab, maishiy chiqindilarni energiyaga qayta ishlash sohasidagi istiqbollarni qayd etdi.

Prezident Shavkat Mirziyoyev rahbarligida O‘zbekiston chiqindilarni boshqarish va qayta tiklanadigan energetika sohasidagi tashabbuslarni faol ilgari surmoqda. Bu xorijiy investorlarni jalb qilib, zamonaviy texnologiyalarni joriy etishga yordam bermoqda.

2024-yilda Shanghai SUS Environment Co. Ltd O‘zbekiston bozorida o‘z faoliyatini boshladi va mamlakat barqaror rivojlanishi uchun innovatsion yechimlar taklif qilmoqda. Chiqindilarni energiyaga qayta ishlash zavodlarining ishga tushirilishi bilan O‘zbekiston Markaziy Osiyoda ekologik toza texnologiyalarni joriy qilgan birinchi mamlakatga aylanishi kutilmoqda.

Kompaniya vakillari loyihalarning muvaffaqiyati O‘zbekiston hukumatining qo‘llab-quvvatlashi va qulay investitsiyaviy muhit yaratilishi tufayli amalga oshganini ta’kidladilar.

Kompaniyaning uzoq muddatli maqsadlari quyidagilarni o‘z ichiga oladi: xalqaro standartlarga mos jihozlar ishlab chiqarish, yetakchi xitoylik kompaniyalarni qo‘shma loyihalarga jalb qilish, mahalliy mutaxassislarni tayyorlash, ilmiy tadqiqotlarni o‘tkazish va normativ bazani ishlab chiqish.

Ushbu rejalarni amalga oshirish uchun taxminan 1 milliard AQSH dollari miqdorida investitsiya yo‘naltirish ko‘zda tutilgan.

2025-yilga kelib, O‘zbekiston va Xitoy o‘rtasida ushbu sohadagi hamkorlik yanada chuqurlashishi, ikki tomonlama munosabatlarga yangi turtki berishini kutmoqda.