Рио-2016 Олимпиадаси жамғарилган медаллар бўйича Ўзбекистон учун омадли бўлди

Тошкент, Ўзбекистон (UzDaily.uz) -- Бразилиянинг Рио-де-Жанейро шаҳрида ўтказилган Олимпиада ўйинларида жамғарилган медаллар бўйича Ўзбекистон учун жудаям омадли бўлди.

Эслатиб ўтамиз, умумий ҳисобда Ўзбекистон терма жамоаси 13 та медални қўлга киритди: 4 та олтин, 2 та кумуш ва 7 та бронза медали. Асосий медаллар шодаси бизга бокс мусобақаларидан келди. Вакилларимиз бокс мусобақасида 3 та олтин, 2 та кумуш ва 2 та бронза медалини қўлга киритишди.

Ўзбекистон терма жамоасининг муваффақиятли иштироки умумжамоа ҳисобида 21-ўринни эгаллашга замин яратди. Бу кўрсаткич МДҲ давлатлари орасида 2-ўринни, Марказий Осиё давлатлари орасида эса 1-ўринни эгаллади.

Шундай қилиб, Рио-2016 Олимпиадаси натижаларига кўра, 13 та медални қўлга киритган ўзбекистонлик спортчилар рекорд ўрнатишди. Бунгача эса энг яхши кўрсаткич 6 та медаль бўлиб, Пекин-2008 Олимпиадасида қўлга киритилганди.

Олимпиадалар бўйича қўлга киритилган медаллар

Олимпиадалар	Олтин	Кумуш	Бронза	Умумий
1996 Атланта	0	1	1	2
2000 Сидней	1	1	2	4
2004 Афина	2	1	2	5
2008 Пекин	1	2	3	6
2012 Лондон	1	0	2	3
2016 Рио	4	2	7	13
Умумий	9	7	17	33

Натижада, бутун ёзги Олимпиада ўйинлари тарихида қўлга киритилган медаллар сони 33 тага етди. Мазкур Олимпиадаларда ўзбекистонлик спортчилар 9 та олтин, 7 та кумуш ва 17 та бронза медалларини қўлга киритишди.

Эслатиб ўтамиз, ўзбекистонлик спортчилар Олимпиадаларда 1996-йилдан бери қатнашиб келишмоқда. Мазкур Олимпиадада ҳамюртларимиз иккита медални қўлга киритишган - 1 та кумуш (дзюдо) ва 1 та бронза медали (бокс).

Спорт турлари бўйича

Спорт турлари	Олтин	Кумуш	Бронза	Умумий
Бокс	4	2	8	14
Кураш	4	3	3	10
Гимнастика	0	0	2	2
Дзюдо	0	2	4	6
Оғир атлетика	1	0	0	1
Умумий	9	7	17	33