Боксчимиз Шаҳобиддин Зоиров ярим финалга чиқди

Тошкент, Ўзбекистон (UzDaily.uz) -- Маълумки, шу кунларда Бразилиянинг Рио-де-Жанейро шаҳрида Олимпиада ўйинлари давом этмоқда. Мазкур мусобақаларда ўзбекистонлик боксчилар ҳам муносиб иштирок этмоқдалар. Яна бир ҳамюртимиз Шаҳобиддин Зоиров 52 кг вазн тоифасида чорак финал жангига киришди.

Муросасиз кечган жангда Шаҳобиддин Зоиров озарбайжонлик Элвин Мамишзодани 3:0 ҳисобида енгиб, ярим финалга йўл олдива олимпиаданинг бронза медални нақд қилди. Энди Шаҳобиддин Зоиров ўз омадини ярим финалда синаб кўради. Унга Венесуэлалик Йоэль Финол рақиб бўлади.