ТИАИСВда Қозоғистон Элчиси билан учрашув бўлиб ўтди

Тошкент, Ўзбекистон (UzDaily.uz) -- 21-апрель куни Ташқи иқтисодий алоқалар, инвестициялар ва савдо вазирлигида Қозоғистон Республикасининг Ўзбекистон Республикасидаги Фавқулодда ва Мухтор Элчиси Эрик Утембаев билан учрашув бўлиб ўтди.

Учрашув чоғида олий даражада бўлиб ўтган учрашув натижаларига кўра эришилган келишувларнинг амалга оширилиши, савдо-иқтисодий ҳамкорликнинг жорий ҳолати ва истиқболлари, икки ёқлама товар айрбошлаш ҳажмини ошириш шунингдек, транспорт ва транзит соҳаларида ўзаро ҳамкорлик масалалари кўриб чиқилди.