Toshkent, O‘zbekiston (UzDaily.uz) — 2024-yilda banklar tomonidan aholidan valyuta sotib olish operatsiyalari soni 40% ga oshdi.

Markaziy banki ma’lumotlariga koʻra, 2024-yilda banklar tomonidan aholidan xorijiy valyuta sotib olish bo‘yicha amalga oshirilgan operatsiyalar soni 68,2 mlndan 95,8 mlnga oshdi (+40,4% y/y). Shu bilan birga, banklar tomonidan xorijiy valyutani sotish operatsiyalari soni 17,6 mlndan 22,8 mlnga yetdi (+29,3% y/y).

Xuddi shu davrda aholidan xorijiy valyuta sotib olish hajmi $12,3 mlrddan $16,1 mlrdga (+30,5% y/y) oshgan bo‘lsa, valyuta sotish hajmi $9,1 mlrddan $9,4 mlrdga (+2,7% y/y) o'sish ko'rsatdi.

O‘tgan yilda may oyi aholidan xorijiy valyuta sotib olish bo‘yicha eng faolligi bilan ajralib turdi — bu davrda operatsiyalar soni 9,3 mindan oshdi. Avgust esa eng yirik hajm bilan yetakchilik qildi — bu oyda umumiy miqdor $1,6 mlrdni tashkil etdi.

Eslatib o‘tamiz, may oyida O‘zbekiston 3 xil valyutada 7 yillik suveren xalqaro obligatsiyalarni joylashtirgan. Ushbu emissiya doirasida $600 mln (6,9%), €600 mln (5,375%) va 3 trln so‘m (16,625%) jalb qilingan.