Toshkent, O‘zbekiston (UzDaily.uz) — Toshkent shahrida O‘zbekiston Respublikasi Markaziy banki tashabbusi bilan ommaviy axborot vositalari va blogerlar ishtirokida media-dialog bo‘lib o‘tdi.

Tadbirda bank kartalaridan foydalangan holda chakana to‘lovlar rivoji va tendensiyalari muhokama qilindi.

Uchrashuvda mutaxassislar respublikada naqd pulsiz to‘lovlar bozori o‘sishining asosiy ko‘rsatkichlarini taqdim etdilar.

Markaziy bank maʼlumotlariga ko‘ra, 2024 yil davomida mejbankov to‘lov tizimi orqali amalga oshirilgan operatsiyalar hajmi 7 279 trln so‘mni tashkil etgan. Shuningdek, tezkor to‘lovlar tizimi jadal rivojlanmoqda — hisobot davrida ushbu tizim orqali 47,6 million tranzaksiya amalga oshirilgan. QR-kod orqali to‘lovlarga bo‘lgan qiziqish ham ortib bormoqda — ushbu turdagi to‘lovlar umumiy hajmi 441,7 mlrd so‘mdan oshdi.

Tadbir ishtirokchilariga zamonaviy bepul kontaktsiz to‘lov yechimlari — «Humo Pay» va “Tap-to-Phone” texnologiyalari namoyish etildi. Shuningdek, elektron identifikatsiya (e-KYC) orqali raqamli shaxsni tasdiqlashning afzalliklari haqida ham maʼlumot berildi.

Alohida eʼtibor HUMO va UZCARD milliy to‘lov tizimlarini VISA, Mastercard va UnionPay kabi xalqaro operatorlar bilan integratsiya qilish jarayoniga qaratildi. Moliyaviy xizmatlar sohasida kiberxavfsizlikni kuchaytirish bo‘yicha chora-tadbirlar ham batafsil yoritildi.

Media-dialog ishtirokchilari mutaxassislardan dolzarb savollarga atroflicha javoblar oldilar va zamonaviy to‘lov texnologiyalari bo‘yicha bilimlarini yana-da chuqurlashtirdilar.

Ushbu tadbir O‘zbekistonda naqd pulsiz to‘lovlarning rivojlanish dinamikasi to‘g‘risida jamoatchilik xabardorligini oshirishga xizmat qildi.