Toshkent, O‘zbekiston (UzDaily.uz) — 2025 yilning 22 avgust kuni Farmatsevtika tarmog‘ini rivojlantirish agentligi direktori Abdulla Azizov Xitoyning Henan Qingmaitong Biotechnology kompaniyasi ijroiya prezidenti Sun Ven bilan uchrashuv o‘tkazdi.

Uchrashuvda:

har ikki tomon o‘z faoliyati va yo‘nalishlari bilan tanishtirdi;

kompaniyaning O‘zbekistonda dorivor o‘simliklar asosida dori vositalari ishlab chiqarish va MDH, Yevropa bozoriga chiqish rejalari muhokama etildi;

herbal planting (dorivor o‘simliklarni yetishtirish va qayta ishlash) bo‘yicha mahalliy tadbirkorlar uchun treninglar tashkil etish taklifi ilgari surildi.

Agentlik direktori A.Azizov ushbu tashabbuslarni qo‘llab-quvvatlab, kompaniyaga institutsional ko‘mak ko‘rsatishga tayyorligini bildirdi.