Toshkent, O‘zbekiston (UzDaily.uz) — Yo‘l harakati xavfsizligi xizmati moped, skuter va elektro-skuterlar uchun davlat ro‘yxat raqamlarini berishni boshladi. Bu haqda vazirlikning Telegram-kanalida xabar berildi.

Birinchi namunalar aks etgan video Farg‘ona viloyati YHXX xodimlari tomonidan e’lon qilindi. Ularning ma’lumotiga ko‘ra, raqamlar 26-dekabrdan boshlab ro‘yxatdan o‘tkazish va imtihon bo‘limlarida berilmoqda.

Elektro-skuterlar va elektro-mototsikllar uchun davlat raqamlarida mintaqaviy kod qismida yashil fon belgilangan.

Ichki yonuv dvigatelli skuterlarda esa bu maydon oq rangda qoladi.

Ro‘yxatdan o‘tmagan moped va skuter egalariga YHXX ro‘yxatga olish va imtihon bo‘limlariga murojaat qilish tavsiya etiladi. U yerda transport vositasi agregat ko‘rigidan o‘tkaziladi va davlat ro‘yxatidan o‘tkaziladi.

Eslatib o‘tamiz, moped va skuterlar uchun davlat raqamlarining tashqi ko‘rinishi joriy yilning iyul oyida Vazirlar Mahkamasi tomonidan tasdiqlangan edi. Ichki ishlar vazirligi va Texnik reglamentlar agentligiga uch oy ichida tegishli texnik reglamentlarni ishlab chiqish vazifasi yuklatilgan.

2025-yilning 1-yanvaridan boshlab ro‘yxatdan o‘tmagan moped va skuterlarni boshqarish taqiqlanishi kutilmoqda.