Toshkent, O‘zbekiston (UzDaily.uz) — O‘zbekistonning U-20 yoshlar terma jamoasi Osiyo chempionati guruh bosqichi ikkinchi turida Indoneziya ustidan g‘alaba qozondi.

Uchrashuv 3:1 hisobi bilan o‘zbek futbolchilari foydasiga yakunlandi.

Birinchi gol 21-daqiqada urildi – Saidxon Hamidov chap qanotdan jarima maydoniga aniq uzatma amalga oshirdi va Muhammadali O‘riyeboyev bosh bilan to‘pni darvoza to‘riga joylab, hisobni ochdi.

Biroq ortidan ikki daqiqa o‘tib, indoneziyaliklar hisobni tenglashtirishdi – Jens Raven O‘zbekiston himoyachilarining xatosidan foydalanib, 1:1 natijasini o‘rnatdi.

Ikkinchi bo‘lim boshlanishi bilanyoq, o‘zbek jamoasi yana oldinga chiqdi – 47-daqiqada Abdug‘affor Haydarov yirik zarba bilan to‘pni raqib darvozasiga jo‘natib, 2:1 hisobini qayd etdi.

63-daqiqada esa O‘zbekistonning ustunligi yana-da oshdi – Saidumarxon Saidnurillayev Urinboyev tomonidan berilgan burchak zarbasidan keyin bosh bilan aniq zarba yo‘llab, uchrashuv natijasini belgilab berdi – 3:1.

Ikki turdan so‘ng O‘zbekiston terma jamoasi 6 ochko jamg‘arib, C guruhidan pley-offga chiqishni oldindan taʼminladi. Shuningdek, ikki g‘alaba qozongan Eron jamoasi ham 6 ochko to‘pladi.

19 fevral kuni O‘zbekiston va Eron terma jamoalari o‘zaro bahs olib borib, guruhdagi birinchi o‘rin sohibini aniqlaydi.