Toshkent, O‘zbekiston (UzDaily.uz) — O‘zbekiston Respublikasi adliya vaziri o‘rinbosari Sh. Rabiyev Singapurda amaliy tashrif bilan bo‘ldi.

Tashrif doirasida Singapur Xalqaro Mediatsiya markazi rahbariyati bilan uchrashuv bo‘lib o‘tdi, unda tomonlar nizolarni hal etish va mediatsiyani rivojlantirish sohasida kelgusidagi hamkorlik yo‘nalishlari bo‘yicha kelishib oldilar.

Bundan tashqari, Toshkent Mediatsiya Markazi va Singapur Xalqaro Mediatsiya Markazi oʻrtasida mediatsiya sohasida professional almashinuvni kuchaytirish, birgalikda kadrlar tayyorlash va xalqaro standartlarni ilgari surishga qaratilgan oʻzaro anglashuv memorandumi imzolandi.