Toshkent, O‘zbekiston (UzDaily.uz) — O‘zbekiston va Koreya Respublikasi kosmos sohasida sheriklikni rivojlantirishga kelishib oldilar.

Mos kelishuv 2025 yil 7 aprel kuni AQSHning Kolorado-Springs shahrida bo‘lib o‘tgan nufuzli “Kosmik simpozium 2025” doirasida imzolandi. Bu haqda Koreya Respublikasining Kosmik tadqiqotlar agentligi (KARI) xabar berdi.

Ikki davlat o‘rtasidagi kelishuv quyidagi asosiy yo‘nalishlarni o‘z ichiga oladi: sunʼiy yo‘ldoshlarni qo‘shma ravishda ishlab chiqish, malakali mutaxassislarni tayyorlash, shuningdek, kosmos sohasida davlat siyosatini shakllantirish va rivojlantirish strategiyasi bo‘yicha tajriba almashinuvi.

KARIda taʼkidlanishicha, kosmos sohasida o‘z salohiyatini faol shakllantirayotgan O‘zbekiston bilan aloqalarni mustahkamlashga Koreya tomoni katta qiziqish bildirmoqda.

KARI vakillarining qayd etishicha, kosmos sohasida jadal rivojlanayotgan bunday mamlakat bilan sheriklik ilmiy-texnologik almashinuv imkoniyatlarini ochadi hamda qo‘shma ilmiy-tadqiqot va loyihalash tashabbuslarini amalga oshirishga xizmat qiladi.

Kelgusida tomonlar barqaror o‘sish va global kosmik ekotizimga integratsiyalashuv uchun maxsus platforma yaratishni rejalashtirmoqda.