Toshkent, O‘zbekiston (UzDaily.uz) —Transport vazirligida Germaniyaning Saksoniya-Anhalt federal o‘lkasida joylashgan “Askania Future GmbH” rekruting kompaniyasi boshqaruvchisi Ingo Yung ishtirokida uchrashuv o‘tkazildi.

Transport vaziri birinchi o‘rinbosari Mamanbiy Omarov bilan bo‘lib o‘tgan muzokarada tomonlar nemis tili o‘rganish, malaka oshirish va Germaniyada ishlash imkoniyatlari bilan birga nemis standartlariga asoslangan dual ta’lim tizimini joriy etish masalalarini muhokama etishdi.

Ingo Yung O‘zbekistonda logistika mutaxassislari va xalqaro toifadagi yuk avtomobillari haydovchilar uchun ta’lim dasturlarini rivojlantirishga qiziqish bildirdi.

Uchrashuv yakunida tomonlar ushbu yo‘nalishdagi hamkorlik aloqalarini rivojlantirish borasida navbatdagi qadamlarni belgilab olishdi.