Toshkent, O‘zbekiston (UzDaily.uz) — 19 fevral kuni O‘zbekiston Respublikasi tashqi ishlar vaziri Baxtiyor Saidov Estoniyaning O‘zbekistondagi yangi tayinlangan elchisi Yaap Ordan ishonch yorliqlarini qabul qildi.

Uchrashuv davomida tomonlar ikki tomonlama va ko‘p tomonlama hamkorlikning dolzarb masalalarini muhokama qildi.

Xususan, iqtisodiy diplomatiyani rivojlantirish, axborot texnologiyalari sohasida hamkorlik, madaniy aloqalar va xalqlar o‘rtasidagi muloqotni kengaytirishga alohida eʼtibor qaratildi.

O‘zbekiston tashqi ishlar vaziri eston diplomatining mamlakatimizdagi faoliyatiga muvaffaqiyat tiladi.