Toshkent, O‘zbekiston (UzDaily.uz) — O‘zbekiston o‘smirlar terma jamoasi 17 yoshgacha bo‘lgan futbolchilar o‘rtasidagi Osiyo Kubogi chorak finalida Birlashgan Arab Amirliklari (BAA) jamoasiga qarshi o‘ynaydi.

Bellashuv 2025 yil 13 aprel kuni bo‘lib o‘tadi.

BAA jamoasi guruh bosqichini ikkinchi o‘rinda yakunladi. Ularning so‘nggi o‘yini Vyetnam termasiga qarshi kechib, 1:1 hisobida durang bilan tugadi.

O‘zbekiston o‘smirlar terma jamoasi esa guruh “A”da barcha uchrashuvlarda g‘alaba qozonib, 9 ochko to‘plagan holda birinchi o‘rinni egalladi. Jamoa guruh bosqichida katta ishonch va yuksak saviyadagi o‘yinni namoyish etdi.