Toshkent, O‘zbekiston (UzDaily.uz) — O‘zbekiston Respublikasi Markaziy banki 2024-yilning IV choragida mahalliy ishlab chiqaruvchilardan 29,9 trln so‘mlik oltin sotib oldi.

IV chorakda yetakchi markaziy banklar foiz stavkalarini pasaytirishni davom ettirdi. Bu esa geosiyosiy keskinliklar fonida investorlar tomonidan oltinga bo‘lgan talabning oshishiga olib keldi. Oltin narxi 2 610–2 700 AQSH dollari atrofida o‘zgarib turdi.

Markaziy bank ma’lumotlariga ko‘ra, mahalliy ishlab chiqaruvchilardan sotib olingan oltin hajmi III chorakdagi 29,5 trln so‘mdan oshib, 29,9 trln so‘mni tashkil qildi.

Shu bilan birga, ichki valyuta bozoridagi umumiy intervensiya hajmi 24,5 trln so‘mni (1,9 mlrd AQSH dollari) tashkil qildi. Bu esa yil davomida «oltin-valyuta zaxiralarining neytralligi» prinsipiga muvofiq kelganini Markaziy bank ta’kidladi.

Intervensiyalar hajmining nisbatan past bo‘lishi IV chorakda iqtisodiyotga valyuta oqimi yuqori bo‘lgani bilan izohlandi, bu esa ichki valyuta bozorida yetarli taklifni ta’minladi.

Oltin xaridlari natijasida shakllangan qo‘shimcha likvidlikning bir qismi Markaziy bank obligatsiyalari kabi pul-kredit instrumentlari orqali sterilizatsiya qilindi.

«Shunday qilib, IV chorakda valyuta bozorida barqaror vaziyat saqlanib qoldi, zolotovalyut zaxiralari yuqori darajada bo‘lib, likvidlik yetarli darajada ta’minlandi», — deya ma’lum qildi Markaziy bank.