Toshkent, O‘zbekiston (UzDaily.uz) — Nukus shahrida o‘tkazilayotgan Orolbo‘yi madaniy sammiti doirasida O‘zbekiston Madaniyat va sanʼatni rivojlantirish jamg‘armasi hamda BMT Taraqqiyot dasturi (BMT TD) o‘zaro anglashuv to‘g‘risidagi memorandumni imzoladilar.

Ushbu hujjat Qoraqalpog‘istonda barqaror rivojlanishni qo‘llab-quvvatlashga qaratilgan bo‘lib, ushbu hududga xos ekologik muammolarni inobatga oladi.

Kelishuv xalqaro tashkilotlarning tajribasini mahalliy salohiyat bilan uyg‘unlashtirgan holda, madaniy va ekologik tashabbuslarni amalga oshirish uchun mustahkam poydevor yaratadi.

Ushbu memorandum Orolbo‘yi madaniy sammiti doirasidagi muhim qadamlardan biri bo‘lib, mintaqada inklyuziv o‘sish va barqarorlikni taʼminlashga bo‘lgan intilishni ifoda etadi.