Toshkent, O‘zbekiston (UzDaily.uz) — 2024-yilning yanvar-oktyabr oylari davomida O‘zbekiston korxonalari tomonidan 317 663 dona yengil avtomobil ishlab chiqarilgan, deya xabar beradi Statistika agentligi.

Ma’lumotlarga ko‘ra, hisobot davrida UzAuto Motors tomonidan 134 581 dona Chevrolet Cobalt avtomobili ishlab chiqarilgan, bu 2023 yilning shu davriga nisbatan 50,5% ga ko‘pdir.

Chevrolet Gentra ishlab chiqarish 12 837 dona (80,5 foizga pasaygan), Chevrolet Damas esa 80 541 dona bo‘lib, 16,2% ga o‘sgan. Shuningdek, 35 283 ta Chevrolet Tracker (3,9% ga) va 29 094 ta Chevrolet Onix avtomobillari (14,4% ga o‘sgan) ishlab chiqarilgan.

O‘zbekistonda 10 oy davomida 5950 dona Chery (30,7% ga pasaygan), 17054 dona KIA (o‘sish 27,3%), 6 dona Lada va 2317 dona Haval avtomobillari ishlab chiqarilgan.

Shuningdek, mamlakatimizda 20 532 dona ixtisoslashtirilgan yengil avtomobil ishlab chiqarildi, bu o‘tgan yilga nisbatan 12,5% ga ko‘pdir.