Toshkent, O‘zbekiston (UzDaily.uz) — Ilk bor o‘tkazilgan Osiyo chempionatida g‘alaba qozongan O‘zbekiston amputantlar futbol terma jamoasi a’zolari quyidagi nominatsiyalarda individual mukofotlar bilan taqdirlandi.

Turnirning final o‘yinida eng yaxshi o‘yinchi deb Kudrat Xudoyqulov tan olindi. Shuningdek, u chempionatning eng yaxshi futbolchisi unvoniga ham sazovor bo‘ldi.

Turnirning eng yaxshi to‘purari Abdujamil Shukurov deb topildi. Eng yaxshi darvozabon unvoni esa O‘zbekiston darvozaboni Kudrat To‘raho‘jayevga berildi.

Eslatib o‘tamiz, o‘zbek jamoasi Osiyo chempioni bo‘lib, musobaqada ishtirok etgan barcha raqiblarini mag‘lubiyatga uchratib, Bangladeshda o‘tkazilgan turnirda muvaffaqiyatli ishtirok etdi.